مشاهدة النسخة كاملة : البطاطا الحلوة
السلام عليكم و رحمة الله و بركاته
حابة نسال من فضلكن ممكن تقولولي كيفاش تطيب البطاطا الحلوة من غير طريقة الغلي و الشواء
يعني هل كاين كاش وصفة باش نطيبها عندي بطاطا حلوة و ما عرفتش كاش نطيبها
جزاكن الله خيرا
imenadam
2012-12-22, 19:16
السلام عليكم حبيت نقولك بان امي كانت تعمل منها معجون confiture لكن االوصفة ما نعرفهاش
(حفظ الله امي)
ربي يحفظلك امك يطولك في عمرها
انا كنت حابة ندير بيها كاش طاجين لكن مادابيا لوكان تسقسي يماك ربي يخليهالك و تعطيني الوصفة لانه صحاب الدار يحبو المعجون و اذا مالقيتش كاش وصفة راني نديرها معجون
بارك الله فيك اختي
amina-31
2012-12-22, 20:33
batata hlowa belkhorchof
من فضلك اختي كيفاش تتحضر بالخرشف
ام ملاك.
2012-12-22, 22:17
تقدري تديريها لابيري كيما البطاطا العادية
تقدري ثاني قراتان
مانكذبش عليك مانعرفش نطيب بيها جامي شريتها مي نشوف فتافيت زيدي حوسي في قوقل اكتبي اطباق البطاطا الحلوة وشوفي
amina-31
2012-12-23, 10:42
ماما طيب الخرشوف عادي باللحم و الحمص....وزيدلهم البطاطا حلوة وجربي غير كمية صغيرة بلاك متعجبكش
مونية يعطيك الصحة اختي جربتها خطرة درتها كيما شطيطحة بطاطا معجبتنيش بزاف وحوست عالوصفات ملقيتش واش حبيت يعني الوصفات الي شفتهم ماشي بزاف و متعجبونيش
يعطيك الصحة اختي امينة يمكن نسييها لانه الخرشف مر شوية و هي حلوة بلاك يسرا توازن يمكن نجرب شوية ونشوف
انتضر تجارب ووصفات الاخوات الي هنا
السلام عليكم
شوفي تقدري طيببيها طاجين كيما طجين حلو وتجي هايلة اختي موفقة
يعطيك الصحة اختي يعني هي جي برك حلوة
منقدروش نخلطوها بخضرة واحد اخرى ولا بكاش حاجة باش ما جيش بزاف حلوة
تحياتي
واش يا النسا محسوب خلاص بطاطا حلوة معندهاش les recettes دياولها
هيا عاونوني نطيبهاقبل ما تفسد
souheila dz
2012-12-25, 12:57
كين بصح ماعرف لكان تعجبك أختي
كيكة البطاطا الحلوة بالجوز والزبيب
souheila dz
2012-12-25, 13:13
la recette
المقادير:
كوب ونصف فارينة+ملعقةقهوةخميرة تاع القاطو+وملعقةقهوةقرفة مطحونة ورشة ملح
حبتين بطاطا حلوة (لونها أورنج)توضع في الميكروويف 7 دقائق حتى تطيبفي تقريبا كوب ونصف (ولا تفوريها)
3 بيضات + فانيلا
كوب وثلاث أرباع الكوب سكر +نصف كوب زيت
ثلث كوب ماء باردكوب جوز مفروم خشن ومحمص+ كوب زبيب
للزينة: سكر ناعم مع شوية حليب حتى تصير مثل الكريمة
قبل ماتحطيها في الفرن سخنيه على درجة حرارة 350 فهرنهايت لمدة 45 دقيقة أو حتى تنضج
الكيفيةّ:
تهرسي البطاطا الحلوة بالفرشيطة +بيض +فانيلا
نزيد سكر والزيت والماء
و أخيرا الفارينة والقرفة والزبيب والجوز محمص
ونحطها في قالب مدهون بالزبدة والفارينة
كي تطيب
نعمل لكريمة صو السكر والحليب ومن فوق الجوز تجي هايلة ان شاء الله تعجبك اختي و ردي لي خبر و في معلومك هاد الوصفة أوروبية
vBulletin® v3.8.10 Release Candidate 2, Copyright ©2000-2024, TranZ by Almuhajir