المساعد الشخصي الرقمي

مشاهدة النسخة كاملة : ساعدوني ععععععاجل

mizouusmiste
2012-12-20, 13:06
السلام عليكم لبنات ان شاء الله تكونو ملاح في الحقيقة يالبنات صح نعزكم من قلبي كما خياتي من قبل ان اسجل في المنتدى الرائع نحسكم كانكم عائلة واحدة ان شاء الله دوم هذي لمحبة انا ليوم جيت نقصدكم في حاجة اذا قدرتو تعونوني غدو الجمعة ان شاء الله عرضنا ختي لعشا مع العلم انها عروسة جديدة واول مرة ريحا تجي عندنا بعد زواجها وراهي جيا مع رجلها وعجوزتها ورني حبا نديرلها عشا بطبع ولهذا قصدتكم باش تعونوني وتعطوني افكار تفيدني وربي يجزيكم دنيا واخرة (احبكم في الله اختكم اسيا )
binary girl
2012-12-20, 13:23
ياأختي ولله ماعلابالي بعوايدكم
مي ديري نورمال طعام باللحم والخضر معاه سلاطة منوعة وسلطة فواكه زينيها بالكرام شونتي والياوورت
أو ديري دجاجة روتي مع بطاطا وطاجين زيتون معاهم خبز الدار وماسيدوان وسوفلي والتحلية ديري فلان طبقات وفواكه وعصير
وديريلهم وردة المقلة أو قريوش أإذا رح يتقهواو عندكم مع تاي وشوي مكسرات
ودوك يدخلو الفحلات تاع المنتدى ويفيدوك
mizouusmiste
2012-12-20, 13:56
يعطيك الصحة ختي على لافادة ربي يجزيك كل خير
ام ملاك.
2012-12-20, 14:53
تقدري تديري بويون نتاع الخضرا هو اللي يسلك ويحي بنين
وزيدي سلطة خضرا وماسيدوان وسوفلي ولا سمبوسك ولا بوراك
وزيدي ديري فلان وجديه اليوم باش يشد روحو للغدوة ولاديريه الصباح
وديري كباب ولا مثوم
سمراء الدنيا
2012-12-20, 15:04
ضربي طلة هنا بلاك تلقي افكار تفيدك
http://www.djelfa.info/vb/showthread.php?t=885965
touta2010
2012-12-20, 16:46
ديري حريرة والجاج بالفريت ولا الغنمي والحلو والسلاطة ديري 2نواع وحدة (سلاطة خضرة +طماطم +كورنيشو+زيتون .....)والثانية نص نص (بطراف مصيدواغ زرودية قروم.....زينيها بالبيض قسمي البيضة نصفين نحي الصفار خلطيه مع ميوناز+فرماج وعمريه في البياض )وماتنسيش الديساغ ديري سلاط فروي بلا مننسو المشروبات رامي كوكا بيبسي وفي الاخير شاي مع صحن كوكاو رديلي الخبر غادي ننتضرك
mizouusmiste
2012-12-20, 18:04
يعطيكم الصحة على المساعدات ختيtouta 2010 كي نوجد ونكمل نقلك واش وجدت العشا ان شاء الله
ام رويدة
2012-12-20, 19:11
اقترح عليك اختي الكريمة ان تعملي شوربة بلحم العجل..ومعها مقبلة البوراك....دجاج محمر سواء دجاجة كاملة محشية او قطع تعملي معها ارز او بطاطا مقلية....زائد مثوم او شطيطحة...سلطة خضراء زائد سلطة ارز...والباقي عليك...
mizouusmiste
2012-12-20, 19:13
ربي يحفظك ختي ام رويدة
faizarbh
2012-12-20, 20:02
تفضلي اختي و ان شاء الله نفيدك

http://www.djelfa.info/vb/showthread.php?t=973272

http://www.djelfa.info/vb/showthread.php?t=961059

http://www.djelfa.info/vb/showthread.php?t=1151491

http://www.djelfa.info/vb/showthread.php?t=1156612

http://www.djelfa.info/vb/showthread.php?t=905690

http://www.djelfa.info/vb/showthread.php?t=956239

http://www.djelfa.info/vb/showthread.php?t=949596
جوهرة الكون
2012-12-20, 20:23
انا كي تكون عندي عرضة نحب ندير من كل شيء اي لازم تديري

شربة فريك
و طبق نتاع معجنات مثل الشخشوخة و الا التريدة و ممكن حتى الكسكس
و ديري طبق في الفرن ممكن غراتان و لك الاختيار كيفاه ممكن بطاطا و دجاج او لحم مفروم او حتى طاجين الجبن
السلاطات لاتقل عن نوعين يعني ديري سلاطة عادية فيها من كل شي بالارز و التونه و الزيتون الاخضر و الماسيدوان مع الزينتون الاسود او سلاطه مشوية

المقبلات ديري بوراك و ادا اردت انك تخرجي على المالوف ديري حاجة نتاع لابات فايتي

و ممكن صحينه نتاع لحم مقلي

بعد العشاء ان شاء الله متنسايش الشاي مع نوعين او 3 مكسرات و معاهم تارتولات

بالصحة و الهنا و ربي يعينك

غدوا ان شاء الله متخرجيش من الكوزينه من الفجر و سلمي على اختك و ربي يهنيهم و لعقوبة للدرية الصالحة