انجدنني يا فحلات المنتدى

[bijiji]

السلام عليكم و صح رمضانكم من فضلكن للي تتكرم و تمدلي وصفة البسبوسة تكون مشكورة ما لقيتش من غيركم الي يساعدني:sdf:

[islam girl]

إييه معلييش غير لول البارح وأنا ندير فيها

الوصفة لي نديرها كالتالي :

4 بيض

كأس حليب

كأس زيت

فاني

2 خميرة

كأس ونصف دقيق متوسط

كأس سكر

2 مغارف فرينة


( بلاكي ياختي كاشما تزيدي فالدقيق ولا الفرينة لأني جربت نزيد شوي وجات ثقيلة )


التحضير ساهل :


البيض والسكر ومن بعد الحليب والزيت وماتنسايش الفاني ومن بعد تضيفي الدقيق والفرينة والخميرة


وأيضا الشاربات ماتنسايهاش اسقيها باه تجيك مليحة

وثاني أنا راني ندير غير نص الكيلة باه تقعد ليلة برك ونتي كيما تحبي


بالصحة والهنا

[nournour59]

انا تاني نديرها بهادي الطريقة و تجي روووووووعة و مرات نزيدها كوكاو و لا جلجلان مطحون و محمص تجي رووووووووووعة

[bijiji]

يعطيكم الصحة و يجعلها في ميزان الحسنات انشاء الله