المساعد الشخصي الرقمي

مشاهدة النسخة كاملة : (( ملتقى طلاب الهندسة المعمارية )) اهلا بكم


(( ريتاج مكة ))
2012-07-24, 19:36
السلآآآآآم عليكم ورحمة الله

اردت ان يكون هذا الموضوع ملتقى طلبة كلية الهندسة المعمارية

الذين بعثوا الى جامعة قسنطينة "" زرزارة "" والتي من افضل

كليات الهندسة في الجزائر معدل القبول هذا العام كان 14.49

ارجو ان تتفاعلوا ولنتعاون بإذن الله في جمع اكبر

قدر من المعلومات الضرورية سواء في الكلية او في الدراسة

او حتى في الاقامات الجامعة

نصيحة :

لا تستمعوا كثيرا الى آراء الناس فأغلبهم يفكرون بمنطق

مخطئ + استخيروا ثم توكلوا

تاريخ الهندسة المعمارية يكفيها وهو يبين وزنها وقيمتها :)

ارجو التفاعل

alma_tala
2012-07-25, 00:45
السلام عليكم موضوع جيد

للعلم انا وجهت هندسة معمارية في بسكرة ان شاء الله الكل يستفيد

العلمي ربروب
2012-07-25, 03:19
ششششششششششششششششششششششششششششششششششششكرا

walid-bac
2012-07-25, 04:06
حتى انا بعثوني لهده الشعبة الممتازة ببشار

نبع الندى
2012-07-25, 10:45
هل يمكنني التحويل من بسكرة إلى قسنطينة ؟ يعني هندسة معمارية مع العلم أن معدلي 12.57

رجل الاحلام الحزين
2012-07-25, 10:55
من بسكرة الى قسنطينة ،، صعب جدا و مستحيل
اذا عندك المعريفة تبدلي نورمال
،،
مي لقراية في بسكرة مليحة ، علاه تبدلي

SaYbOuCe
2012-07-25, 12:39
السلام عليكم ، انا وجهت هندسة معمارية في جامعة وهران للعلوم و التكنولوجيا

(( ريتاج مكة ))
2012-07-25, 12:42
اهلا بكم واخيرا استيقظتم ,,, امزح فقط

يا جماعة لي عندو معلومات على التخصص يفيدنا

+ هل تشعرون ببعض الخوف من العمال التطبيقية في الورشة؟؟؟

(( ريتاج مكة ))
2012-07-25, 12:44
هل يمكنني التحويل من بسكرة إلى قسنطينة ؟ يعني هندسة معمارية مع العلم أن معدلي 12.57

اهلا اخي ,, مبارك عليك الشهر الفضيل

والله يا اختي لا ادري اذا كان بإمكانك ذلك لعلمك معدل القبول بها 14.49

هناك الكثير من ارادوا التوجه نحوها ولم يستطيعوا,, لكن لا تقطعي الامل

اسألي اكثر ربما هناك أمل ,,, بالتوفيق

cima
2012-07-25, 12:53
هل هناك من سيدرس هذا التخصص في سطيف

رجل الاحلام الحزين
2012-07-25, 13:00
اعمال الورشة احسن حاجة في الهندسة المعمارية

SaYbOuCe
2012-07-25, 13:04
ماهي الاعمآل التطبيقية في الورشة ، و هل هي المهمة للمرور إلى السنة التي بعدها

رجل الاحلام الحزين
2012-07-25, 13:07
اكيد اخي ،، الورشة هي اهم مقياس
و لازمك طلعها باه تنجح
^^
الاعمال تختلف من استاذ لااخر
كل استاذ و الافكار تاعو
لكن اهم شيئ ، يجب ان تعرف ان الورشة فيها قسمين ، قسم من اجل تطوير افكار ، و توسيعها و تعريفك اكثر بالجانب النظري للهندسة المعمارية
و التعرف على مهندسين كبار و اعمالهم
و القسم الاخر من اجل تعليمك الرسم التقني

نبع الندى
2012-07-25, 14:10
أنا ضعيفة جدا في الفرنسية والمشكل أن الدراسة بالفرنسية هل سأعاني كثيرا ؟ قرأت في المنتدى عن الهندسة المعمارية لكني لم أفهم شيئ عنه خاصة البرنامج لأنه مكتوب بالفرنسية ههههههه لا تستغربوا ....وزيد وش معنا TD , cour هذا زاد خوفني أكثر ......من فضلكم يا ريت واحد يشرحلي درجة درجة باه نفهم وماذا بيك يكون بالعربية ويترجملي بالفرنسية باه نعرف المصطلحات

رجل الاحلام الحزين
2012-07-25, 14:13
الفرنسية ماشي هي المشكل ،،، مصطلحات و مع الوقت تفهميها و تولي نورمال

نبع الندى
2012-07-25, 14:14
لا أخي ما عنديش ***** , شكرا جزيلا لك مسبقا

نبع الندى
2012-07-25, 14:15
هذا رابط الموضوع
http://www.djelfa.info/vb/showthread.php?t=661099

رجل الاحلام الحزين
2012-07-25, 14:17
cour
يا اختي معناها حصة الدرس ، القاء لدرس
و يكون في المدرج ، جماعي ، يعني كل الافواج
TD
اعمال موجهة
و هنا ، يتم شرح الدرس الذي اخذنوه في حصة cour
و كل فوج وحده ،،

رجل الاحلام الحزين
2012-07-25, 14:19
Histoir Critique D’architecture
تاريخ العمارة ،،
Mathématique1
الرياضيات
physique
الفيزياء
Théorie de projet
نظرية المشروع
géométrie de l'espace
الهندسة الوصفية

رجل الاحلام الحزين
2012-07-25, 14:21
déssin et art graphique
الرسم الفني
déssin codifié d'architecture
الرسم التقني المعماري
langue français
اللغة الفرنسية
TECHNOLOGIE des matireux de construction
تكنولوجيا مواد البناء
projet1
المشروع

رجل الاحلام الحزين
2012-07-25, 14:24
كاين حاجة لازم تعرفيها ،،
les modules
w l'atelier
.-.+.
عندك 7 موديلات ،،
tmc تكنولوجيا مواد البناء معامل 2
hca تاريخ العمارة معامل 2
gdp الهندسة الوصفية معامل 3
الرياضيات ، الفيزياء معامل 1
TTF مصطلحات فرنسية معامل 1
نظرية المشروع معامل 1

رجل الاحلام الحزين
2012-07-25, 14:27
و كاين الورشة ،، و هادي اهم شيئ و لازمك تركزي عليها ،،
تنقسم الى قسمين ،،
المشروع : و هنا يعرفوك على الهندسة ،، و الافكار المعمارية ، و الادوات ، و اهم المعماريين و اعمالهم
الرسم التقني او المقنن : هنا تتعلمي كيفية الرسم الدقيق ، و الادوات المستعملة ، و كل تقنيات الرسم و الرفع المعماري

نبع الندى
2012-07-25, 15:29
شكرا جزيلا لك
المودلات معناها مواد نقاراها , والورشة ونا موديل تنتمي ليه وإما هي مادة نقراها وحدها و tp وشني هو , زيد وضحلي أكثر ربي يحفظك

رجل الاحلام الحزين
2012-07-25, 15:37
ls modules
وي ،، هوما لي ذكرتهملك
في الجامعة نقولو مقياس ،، مانقولوش مادة
مقياس : تاريخ العمارة
مقياس : الهندسة الوصفية
.+.-.
الورشة ايضا مقياس ، و هي لي لازم توجهيلها كل اهتمامك ، و لازمك تطلعيها ،
بلا بيها ما يطلعش العام

نبع الندى
2012-07-25, 15:56
أخي أي جامعة تدرس بها ؟ وأي سنة راك فيها ؟ بصراحة واصدقني القول القراية في هذا التخصص صعيبة على واحد أول مرة يدخلوا , وممكن نتميز فيه وإما لا ؟ وراني حابة إما نروح للمدرسة التحضيرية وإما لقسنطينة قولي كيفاه ندير , خطراش قريت ردود بعض الأعضاء هناك التدريس أفضل يعني من ناحية النوعية

رجل الاحلام الحزين
2012-07-25, 16:10
انا نقرا فبسكرة العام الجاي سنة 3
مانكدبش عليك ،، المستوى في بسكرة راقي و مستوى عالي
و كاين خيرة الاساتذة و الدكاترة
ماتبعيش كلام الناس ،، بويسك العباد هادو كي مايلحقوش على حاجة ، يقلك ماش مليحة
و في الاخير شهادة وحدة و نظام واحد ل م د
كي لي تخرج من بسكرة و من باتنة و من قسنطينة
مستقبل واحد

baadiso
2012-07-25, 17:00
السلام عليكم

أنا طالب الهندسة المعمارية في قسنطينة نجحت للسنة الخامسة

يشرفني الإنظمام إليكم

و أي أسئلة حول الأساتذة ...المواد ....الوشة ... التكاليف أنا هنا

diyaa.alcamare
2012-07-25, 19:12
انا ايضا وجهت هندسة معمارية و الحمد لله على ذلك فقد خطوة خطوة كبيرة نحو حلمي اتمنى ان تفيدونا بكتب نعتمد عليها او حتى دروس لا تبخلوا علينا

SaYbOuCe
2012-07-25, 19:43
السلام عليكم ، انا محمد وجهت هندسة معمارية بوهران

من يعرف جامعة وهران يخبرني عنها ، هل الاساتذة جيدين

(( ريتاج مكة ))
2012-07-26, 02:43
اهلا بكم زملائي

لي بعض المعلومات الجديدة على جامعة قسنطينة

العام هذا لاول مرة كلية الهندسة نقلت الى المدينة الجديدة " علي منجلي "

والسكن الجامعي ثما بعد يعني زرزارة خلاص خلصت بها لقراية

ارجو منكم الافادة .....ولي يعرف اين يتم التسجيل

هل في المدينة الجديدة ,, او في الجامعة المركزية

marwa.bouh
2012-07-26, 04:38
السلام عليكم
انا ندرس بجامعة الاغواط سنة 2 ل م د لكن الحمد لله لم اجد صعوبات كثيرة واختي انصحك ان لا تستمعي لمن يقول لك صعبة لانه عند انتقالك من الثانوية الى الجامعة يصبح كل شيء جديد عليك اي ادا اهتميت بالتوجيه واخببتيه ستنجحين اعدك بدلك ربي يوفقك

Sun girl
2012-07-26, 12:58
أنا تاني رتاج وجهوني هندسة معمارية بقسنطينة نشا له تكون فاتحة خير علينا

(( ريتاج مكة ))
2012-07-26, 13:41
أنا تاني رتاج وجهوني هندسة معمارية بقسنطينة نشا له تكون فاتحة خير علينا

اهلاا بك اختي متشرفين ,, انا ايضا وجهت الى نفس التخصص والى نفس الجامعة يعني بإذن الله

اكيد رايحين نتلاقاو ,,, شيء مفرح انا من ولاية ميلة وانت من وين ؟؟؟

قوليل شحال معدلك + كي سقسيتي على التخصص في قسنطينة وش قالولك ؟؟؟

ممكن تقوليلي وكتاش رايحة تسجلي

Sun girl
2012-07-26, 14:48
رتاج أنا من ولاية سكيكدة ونهار السبت نروح نسجل ومعدلي 14,77 وكي سقسيت قالولي انو أحسن اختيار وهذي كانت رغبتي وكامل اكدولي بلي niveau تاع قسنطينة طالع مي نتي قلتي بلي نقلوها ل nouvel بصح أنا قالولي مازالها في زرزارة

(( ريتاج مكة ))
2012-07-26, 18:12
رتاج أنا من ولاية سكيكدة ونهار السبت نروح نسجل ومعدلي 14,77 وكي سقسيت قالولي انو أحسن اختيار وهذي كانت رغبتي وكامل اكدولي بلي niveau تاع قسنطينة طالع مي نتي قلتي بلي نقلوها ل nouvel بصح أنا قالولي مازالها في زرزارة

اهلاا اختي ,, متشرفين بكم يا اهل سكيكدة خيار الناس

انا معدلي قريب جداا من معدلك

والتخصص مليح الحمد لله ,, بالنسبة لحكاية النوفال راهي نورمالمو كاينة

لاني سألت في الادراة لعام لي فات كانت في زرزارة والعام هذا تم

نقلها الى النوفال ,, والله اعلم

هل لديك فكرة اين يتم التسجيل ؟؟ هل هو في الجامعة المركزية

ربما انا ايضا نطلع يوم السبت

Sun girl
2012-07-26, 19:10
التسجيل حسب معلوماتي في جامعة المركزية
بصح قصة زرزارة ونو فال قالولي بلي تاعنا جامعة قسنطينة 3 ونوفال 2 والعلم لله
إيه ما قلتليش قداه كانت المعدل تاعك يا لفحلة

فاتحة الكتاب
2012-07-26, 19:34
انا كمان السنة هي الاولى عندي في الهندسة وانا كتير متحمسة لدراستها ارجوكم اريد دروس فيها وخاصة عن هاي ورشة العمل الي عم ييقولو انو هي الااساسية في الهندسة المعمارية ,ارجوووووووووووووكم ساعدوننيييييييييي,وشكرا

(( ريتاج مكة ))
2012-07-26, 19:45
التسجيل حسب معلوماتي في جامعة المركزية
بصح قصة زرزارة ونو فال قالولي بلي تاعنا جامعة قسنطينة 3 ونوفال 2 والعلم لله
إيه ما قلتليش قداه كانت المعدل تاعك يا لفحلة


اهلاا اختي انا معدلي 14.80

والله يا اختي الله اعلم ,,, هل انت متأكدة ان التسجيل يتم في

la fac central :)

(( ريتاج مكة ))
2012-07-26, 19:49
يا جماعة الهندسة ماكان حتى واحد فيكم سجل

Sun girl
2012-07-26, 21:36
والله ختي أنا صحاباتي بعتوهم mi في النوفال وسجلوا في السونترال
حنا نروحوا لتما ولكان قالوا في زرزارة اي ماشي بعيدة

B.Badis
2012-07-27, 01:18
اهلا بكم زملائي

لي بعض المعلومات الجديدة على جامعة قسنطينة

العام هذا لاول مرة كلية الهندسة نقلت الى المدينة الجديدة " علي منجلي "

والسكن الجامعي ثما بعد يعني زرزارة خلاص خلصت بها لقراية

ارجو منكم الافادة .....ولي يعرف اين يتم التسجيل

هل في المدينة الجديدة ,, او في الجامعة المركزية


نعم ...العام اللي فات قالتلنا الأستاذة بلي راهي ردوها في عين الباي ....قالولي مقابلة المطار ....إذا كنت السنة الأولى تسجلي في الجامعة المركزية ...و إذا كنت السنوات الأخرى تسجلي في المدينة الجديدة ...و زيدي سقسي

zozo4
2012-07-27, 10:47
هل هناك من سيدرس هذا التخصص في سطيف
انا بعثوني لسطيف وبالامس رحت سجلت ولقيت الناس كامل خالعين من الهندسة المعمارية وكانها شبح ولكن صدقوني لي حاب يقرا يقرا حتى وان كانت صعبة ولي مش حاب ما يقراش حتى وان كانت تافهة

soumia1604
2012-07-27, 12:39
يا جماعة الهندسة ماكان حتى واحد فيكم سجل

سي كاين
انا سجلت و الحمد لله و التسجيل يكون في الجامعة المركزية ، ماشي في زرزارة
ربي يكون معاكم اللي مازال ما سجلش

(( ريتاج مكة ))
2012-07-27, 19:49
سي كاين
انا سجلت و الحمد لله و التسجيل يكون في الجامعة المركزية ، ماشي في زرزارة
ربي يكون معاكم اللي مازال ما سجلش

اهلاا ,, ممكن تقوليلي كيفاه كانت الاجواء ؟؟

+ وكاين الغاشي ولا اها

صحا فطورك

imane43
2012-07-27, 20:17
انا تاني بعتوني لهادي الشعبة مي لولاية جيجل
نسقسيكم برك عن الاقامة تم والدراسة هل هي في المتناول
وشكون سجل تم يعطينا شوي معلومات لاني مازلت مارحتش
ومشكورين مسبقا

diyaa.alcamare
2012-07-27, 23:01
انا ايضا وجهت هندسة معمارية بجيجل...لكنني لم اسجل بعد في الجامعة ربما يوم الاحد ان شاء الله ساسجل و اخبركم بالاجواء هناك

(( ريتاج مكة ))
2012-07-27, 23:32
انا تاني بعتوني لهادي الشعبة مي لولاية جيجل
نسقسيكم برك عن الاقامة تم والدراسة هل هي في المتناول
وشكون سجل تم يعطينا شوي معلومات لاني مازلت مارحتش
ومشكورين مسبقا

اهلا اختي ,, مبارك عليك ,, في الحقيقة لا املك اي معلومات

عليها ربما يفيدك الاعضاء الاخرون

سلاااااامـ

نبع الندى
2012-07-28, 14:23
أخت ريتاج في موضوع عن الهندسة المعمارية لقيت كتبة بالي هذي التفرعات في الهندسة المعمارية والعمران

urbanisme

cop / w hadi mafhamthach wchi hiya

architecture lmd
وكتبت أيضا : اهلا اخي لكن نعم هناك تخصصات وتبدا من السنة الولى يعني كي نروحوا نسجلوا

تخير وش تقرا التفرعات راني سميتهم من قبل.....هادي في قسنطينة

سقسيت عليها ملييييييييييييح

في باقي الجامعات كاين طول ارشي ل م دي
صحيح المعلومات الي كتبتيها يعني متأكدة منها 100بال 100 وزيدي أشرحيلي من فضلك التخصصات ربي يحفظك

نبع الندى
2012-07-28, 14:25
من فضلكم أشرحولي نظام lmd وهل صيحيح دخول الماستر 1 و 2 بمسابقة

B.Badis
2012-07-28, 16:39
أخت ريتاج في موضوع عن الهندسة المعمارية لقيت كتبة بالي هذي التفرعات في الهندسة المعمارية والعمران <br>
<br>
urbanisme <br>
<br>
cop / w hadi mafhamthach wchi hiya <br>
<br>
architecture lmd <br>
وكتبت أيضا : اهلا اخي لكن نعم هناك تخصصات وتبدا من السنة الولى يعني كي نروحوا نسجلوا<br>
<br>
تخير وش تقرا التفرعات راني سميتهم من قبل.....هادي في قسنطينة<br>
<br>
سقسيت عليها ملييييييييييييح<br>
<br>
في باقي الجامعات كاين طول ارشي ل م دي <br>
صحيح المعلومات الي كتبتيها يعني متأكدة منها 100بال 100 وزيدي أشرحيلي من فضلك التخصصات ربي يحفظك<br>
أختي ....كلامك صحيح ...حيث في سنوات باك 2007 ...2008 ....2009 ...كانت كاينة في قسنطينة أرشيتاكتور ل م د ...و كانت فيها غير 2 options برك ...هوما ...urbanism و COP ....حيث صحابي لي دارو lmd تخدعو كانو حاسبينها architecture لكن بداية من باك 2010زادو ال architecture ....حيث أصبحت ...لما تدخل السنة الأولى تخير يا إما ...urbanism أو architecture أو COP ...

(( ريتاج مكة ))
2012-07-28, 17:52
أخت ريتاج في موضوع عن الهندسة المعمارية لقيت كتبة بالي هذي التفرعات في الهندسة المعمارية والعمران

urbanisme

cop / w hadi mafhamthach wchi hiya

architecture lmd
وكتبت أيضا : اهلا اخي لكن نعم هناك تخصصات وتبدا من السنة الولى يعني كي نروحوا نسجلوا

تخير وش تقرا التفرعات راني سميتهم من قبل.....هادي في قسنطينة

سقسيت عليها ملييييييييييييح

في باقي الجامعات كاين طول ارشي ل م دي
صحيح المعلومات الي كتبتيها يعني متأكدة منها 100بال 100 وزيدي أشرحيلي من فضلك التخصصات ربي يحفظك

نعم اختي ,, الله اعلم اختي لا اعلم الكثير من المعلومات

بخصوص urbanisme

قالولي ليست بالمستوى المطلوب وهي التهيئة العمرانية

يدرسوا على تصميم المدن والحدائق والطرقات وغير ذالك ,, والله اعلم

cop هي قائد مشاريع يعني ربما العمل يكون مع المقاولين

قيل لي انها غير مناسبة نوعا ما للفتيات ,, والله اعلم

اما بالنسبة للارشيتاكتور ل م دي فقيل لي هي الافضل

وهي لي تشبه بزاف للكلاسيك ,, والله اعلم

هذا ما قيل لي ,, لكن اظن ان هذا في قسنطينة فقط

هل وجَهت الى قسنطينة اختي ؟؟؟ ارجو ان اكون افدتك

(( ريتاج مكة ))
2012-07-28, 17:58
<br>
أختي ....كلامك صحيح ...حيث في سنوات باك 2007 ...2008 ....2009 ...كانت كاينة في قسنطينة أرشيتاكتور ل م د ...و كانت فيها غير 2 options برك ...هوما ...urbanism و cop ....حيث صحابي لي دارو lmd تخدعو كانو حاسبينها architecture لكن بداية من باك 2010زادو ال architecture ....حيث أصبحت ...لما تدخل السنة الأولى تخير يا إما ...urbanism أو architecture أو cop ...


بارك الله فيك اخي ,, ارجو الافادة اكثر بخصوص

اجواء الدراسة

+

نظام ال م دي

+

هل هذا التخصص يولد عند دارسه الخوف ,, كيما انا خايفة بزاف مانقدرلوش

+

كفاه تكون انواع الاختبارات هل هي سهلة ام صعبة ام في المتناول

+

انت قبل ماتدخل هذا التخصص ,, هل كنت خائف ؟؟ وماهو مستواك ضك

لقيت روحك ؟؟؟

وشكرااا ليك :)

B.Badis
2012-07-28, 19:13
بارك الله فيك اخي ,, ارجو الافادة اكثر بخصوص

اجواء الدراسة

+

نظام ال م دي

+

هل هذا التخصص يولد عند دارسه الخوف ,, كيما انا خايفة بزاف مانقدرلوش

+

كفاه تكون انواع الاختبارات هل هي سهلة ام صعبة ام في المتناول

+

انت قبل ماتدخل هذا التخصص ,, هل كنت خائف ؟؟ وماهو مستواك ضك

لقيت روحك ؟؟؟

وشكرااا ليك :)

اجواء الدراسة
صراحة أكبر ما يعجبني في زرزارة و الهندسة المعمارية خاصة هو جو الدراسة الأكثر من الرائع ...على عكس الكليات الأخرى في ديبارتومون تاعنا تحسي أنك تقرى تحس بالموفمون تاع الدراسة حيث مثال منين تدروري في الأروقة تلقاي الطلبة كل واحد حاكم طابلة و يرسم يا إما على الورق يا إما بالكمبيوتر المحمول ...الآن أصبحت الأغلبية بالكمبيوتر المحمول ...في حصة الأتوزليي ...تجدين الحركة الكثيرة بين الأقسام حيث الطلبة يتبادلون الأفكار فيما بينهم و مع أساتذة الأقسام الأخرى ..على العموم فيها نوع من المرح و الجد و الدراسة و التطور و التعب ;) ...صراحة ...رااايعة:19:

نظام ال م دي
نظام ال ل م د كما قلت لك فيه 3 سبيسياليتي من السنة الأولى ...و أنا أنصحك بالتأكيد تديري الهندسة المعمارية ...صراحة بالضبط لا أعرف معايير التوجيه ربما على حسب معدل البكالوريا حيث الأغلبية يقولو نديرو أرشي ...و الله أعلم كل عام كيفاه ...أنا كلاسيكي ...و بقاة ورانا غير 2 دفعات ...ردوها ل م د فقط في قسنطينة ...اللي يقراو كيفنا هوما جماعة ال architecture ....لكن لخرين صح نفس الدومان ...ميي ...مش كيف كيف

هل هذا التخصص يولد عند دارسه الخوف ,, كيما انا خايفة بزاف مانقدرلوش
صح ماكانش اللي ما يخافش منو ...حيث هو تقريبا أصعب إختصاص ...لكن هذه ميزة حسنة ...مي النجاح عادي ... في لاتوليي لازمك تسمعي كلمة الأستاذ حتى و إن كانت عي بيضاء و هو يقول كحلا ...قولي كحلا ...أنا في السنة الأولى و الثانية قللت من شأنها ...ففي السنة الأولى على الشعرة و عاودت ...و في السنة الثانية عاودت العام ...لكن هذا بسبب تهاوني ...لكن الحمد لله لما وليت نسمع كلام الأساتذة أصبحت أتحصل على أحسن العلامات ...

كفاه تكون انواع الاختبارات هل هي سهلة ام صعبة ام في المتناول
و الله على حساب دراستك و على حسب الأستاذ ...لكن على العموم في متناول الذي يدرس ...ما نقولكش عام كامل ..لكي على الأقل قبل الإمتحان ب أسبوع تقدري تفهمي نورمال

انت قبل ماتدخل هذا التخصص ,, هل كنت خائف ؟؟ وماهو مستواك ضك
لقيت روحك ؟؟؟
أنا العكس ما كنتش خايف ...لكن دفعت دمن عدم الخوف و دوبليت عام ...حتى و إني في هذاك العام عقبت الباك حر ...لكن أنا نقول السبب هو تهاوني مش الباك ...أنا الآن الحمد لله مستوايا مليح ..درت مشاريع مليحة عجبت الأساتذة ...
مادامك أنت فتاة ..تقدري بإذن الله و تلقاي روحك ...لأنه عكس ما يعتقد البعض ...يقولو بلي تصلح للذكور ...لكن العكس الفتيات ما شاء الله أبدعو في هذا المجال و هذا بسبب التنافش الشديد بينهن:rolleyes: و زيد يقعدو فالدار بزاف ...يعني عندهم وقت أكبر للدراسة
باتوفيق ...و توكلي على الله :19:

نبع الندى
2012-07-28, 21:44
نعم اختي ,, الله اعلم اختي لا اعلم الكثير من المعلومات

بخصوص urbanisme

قالولي ليست بالمستوى المطلوب وهي التهيئة العمرانية

يدرسوا على تصميم المدن والحدائق والطرقات وغير ذالك ,, والله اعلم

cop هي قائد مشاريع يعني ربما العمل يكون مع المقاولين

قيل لي انها غير مناسبة نوعا ما للفتيات ,, والله اعلم

اما بالنسبة للارشيتاكتور ل م دي فقيل لي هي الافضل

وهي لي تشبه بزاف للكلاسيك ,, والله اعلم

هذا ما قيل لي ,, لكن اظن ان هذا في قسنطينة فقط

هل وجَهت الى قسنطينة اختي ؟؟؟ ارجو ان اكون افدتك


شكرا جزيلا لك , لا أختي وجهت إلى هندسة معمارية ببسكرة , إحتمال أني نحول لقسنطينة

نبع الندى
2012-07-28, 21:45
شكرا جزيلا لك أخ B.Badis على المعلومات القيمة , من فضلك وش معناها tp